Tagalog si Kuya Joemz

Mga Patotoo na May Milyon sa Legal na Networking

2011-05-24T23:46:00.000-07:00

TV interview sa dalawang may-ari ng isang legal na Multi-level Marketing company at ang mga yumaman na sa industriyang ito.

Legal ba ang networking?
Paano malalaman kung hindi scam ang isang Multi-level Marketing company?
Sino-sinong ordinaryong tao na ang mga yumaman dito?

Lahat at ang iba pang katanungan ay sasagutin ng mga videong ito:

PART 1 of 13:

PART 2 of 13:

PART 3 of 13:

PART 4 of 13:

PART 5 of 13:

PART 6 of 13:

PART 7 of 13:

PART 8 of 13:

PART 9 of 13:

PART 10 of 13:

PART 11 of 13:

PART 12 of 13:

PART 13 of 13:

Gusto mo bang subukan ang AIM Global?

Unang hakbang:

Ang unang hakbang ay makipag-ugnayan sa pinakamalapit na Business Center Office (BCO) sa inyong lugar.

-------------------------------------------------------------------------------

Para sa mga taga-Pilipinas:

Hanapin sa http://www.allianceinmotion.com/philippines/bco.html

Para sa mga taga-Australia:

Tawagan nyo po ako, Joemar Lacson sa +61 3 9016 0143

Para sa mga taga-ibang bansa:

Hanapin sa http://www.allianceinmotion.com/philippines/international_business_center.html

-------------------------------------------------------------------------------

Ikalawang hakbang:

Sumali sa libreng seminar (Opportunity Plan Presentation)

Ikatlong hakbang:

Bumili ng Global Package/s sa inyong BCO.

Ika-apat na hakbang:

Ipagbigay alam na kayo ay nakabili na ng Global Package(s) sa +61 413 790 128 (Australia)
o sa +63 908 200 4690 (Philippines) upang kayo ay matulungan sa pagrerehistro ng tama.

O kaya naman ay i-email nalang sa: encode@aimglobalproducts.com upang kayo ay matawagan ng libre sa inyong pagrerehistro.

Importante!
Kung alam na ninyo ang mag-encode, wag lang pong kalimutan na ilagay bilang sponsor at upline ang: JA049195 para kay Kharol Sanchez

Paruparong Bukid

2010-09-12T19:23:00.000-07:00

Itong mga nakakaraang panulat tayo ay nagsaling wika sa tagaog at ingles, nagpanata rin tayo hindi ba?

Ngayon naman ay subukan naman nating kumanta.

Kantahin natin ang "Paruparong Bukid". O ano kabisado mo pa rin ba ito? Sige nga iyo ngang kantahin.

Ang totoo hindi ko talaga kabisado ang lyrics noon pa man. Aminin ko din na noon ay parang "bakya" ang dating sa akin. Pero ngayong malaki na ako, --hu-wow! In-love na rin ako sa kanta. Ang ganda pala ng kantang ito ngayong marunong na akong mag-appreciate -hahaha! Lalo pa't narinig ko na parang opera ang dating. O sige gawin kong madali ngayon, nasa baba ang lyrics, subukan mong kantahin ha bago mo panoorin ang susunod na video.

Paruparong Bukid

Paruparong bukid na lilipad-lipad
Sa gitna ng daan papagapagaspas
Isang bara ang tapis
Isang dangkal ang manggas
Ang sayang de kola
Isang piyesa ang sayad

May payneta pa siya — uy!
May suklay pa man din — uy!
Nagwas de-ohetes ang palalabasin
Haharap sa altar at mananalamin
At saka lalakad nang pakendeng-kendeng.

Ngayon naman ay panoorin mo na ang video sa baba. Ang mga kumanta ay mga banyagang Amerikano, pero ang gagaling nila!

Ilang taon ka na ba? Kung ikaw ay bata pa, marahil (--wow lalim ng tagalog ko!) ay hindi mo alam na si Nora Aunor ay isa munang singer bago naging artista. Narinig mo na ba syang kumanta? Sa baba ay sample ng kanyang talento sa pagkanta ng isa sa ating folk song --na walang iba kundi ang Paruparong Bukid!

O ano? Ano ang masasabi mo? Ang sarap maging Pilipino ano!

Teka. Teka lang. Umi-iral na naman kasi ang kalokohan ko. Gusto ko syang i-translate sa english. Di ko pa alam kung anong style ng english. Ala Master Yoda ba or proper english? Bahala na!

My english translation in blue text:

Paruparong Bukid

Butterfly of the Rice Field

Paruparong bukid na lilipad-lipad

Butterfly of the rice field flying over and over
Sa gitna ng daan papagapagaspas

Amidst the path fluttering
Isang bara ang tapis

One span the scarf
Isang dangkal ang manggas

One palm-wide the sleeve
Ang sayang de kola

The skirt fold-able
Isang piyesa ang sayad

One piece its ends drag
May payneta pa siya — uy!

With a hair pin she wears --wow!
May suklay pa man din — uy!

With a comb as well --wow!
Nagwas de-ohetes ang palalabasin

Decorated half slip to show off
Haharap sa altar at mananalamin

Facing the altar and looks in the mirror
At saka lalakad nang pakendeng-kendeng.

And then she walks with hips swaying.

O ano? Bilib ka na? Haha! Ang papuri ay hindi lahat sa akin dahil tinulungan din ako ng aking ina sa pag-translate.

Kung gusto mo ring makita ang isang magandang translation tignan mo rin ito: Paru-parong Bukid (English translation) « Ecology, technology and social change

Ang Panatang Makabayan

2010-09-07T08:13:00.000-07:00

Nasa ibang bansa ka ba ngayon? Ako, oo...

Maraming taon na rin pala. Sampung taon na pala yun...

Mga ilang araw na nakalipas lang sa bahay ng isang kaibigan kong pilipina dito, nagkapulong ang munting barkada. Matagal na rin silang nakatira dito sa banyagang bansa. Sa gitna ng katuwaan, naghamon ang isa, "Kabisado nyo pa ba ang Panatang Makabayan?"

Dalawa hanggang tatlong linya lang ata ang nakaya naming ma-alala. Eh ikaw kaya? Sige nga subukan mong sabihin ng buo ang Panatang Makabayan ngayon.

Ako aaminin ko, medyo nahiya ako sa sarili noong mga oras na iyon na hindi ko na kabisado. Mas makabayan ka pa kaya sa akin sa tingin mo? Subukan mo nga ulit sabihin ang nasabing panata. Sana ay makumpleto mo na...

Biruin mo, paano kong nalimutan ang lagi nating binibigkas mula Elementary hanggang sa matapos ang Highschool? At ngayon ngang gusto kong muling ma-alala ang buong panata, lalo kong na-appreciate ang bawat salita na inilagay doon. Mas makahulugan at madamdamin na sya ngayon para sa akin, ewan ko ba...

Ngayon sa aking pagbabasa ng mga linya, lalo kong napansin ang kagandahan ng mga kahulugan. Ang galeng ng mga bumuo ng panatang ito, grabe! Ang ganda! Bakit kaya ngayon ko lang napansin? Hmm...

Umpisa palang ng linya, giba na ako; "Ini-ibig ko ang Pilipinas" -iba talaga ang dateng sa akin ngayon ng salitang "Ini-ibig" -tindi!

Tapos sabay pasok ng; "Ito ang aking lupang sinilangan". Ewan ko sa iyo pero may diin sa puso ko yung lupa/lugar kung saan ako ay nagmula. Sentimental para sa akin.

Sinundan naman ng; "Ito ang tahanan ng aking lahi". Sa linyang ito madarama mo na mayroon kang mababalikan, --may nag-aantay sa iyong isang tahanan. Ang iyong lahi. Ikaw na kabilang sa isang lipon. Hindi ka nag-iisa. Marami tayo ngunit i-isang uri, at may i-isang tahanan. Wow! Ang sarap sa puso!

Gusto ko pa sanang isa-isahin ang mga linya at magbigay ng aking mga nadarama sa bawat isa, ang kaso ay hahaba na ito. Ngunit gusto ko lang isundot pa ang ilan kong gusto sabihin:

Ang tindi rin ng pagtatapos na dalawang linya; "...at sisikapin kong maging ISANG TUNAY NA PILIPINO, sa ISIP, sa SALITA at sa GAWA"
Sa ginawang bagong version ng Panatang Makabayan, hindi ko talaga magustuhan. Walang dateng na tulad ng luma. Estupido para sa akin ang bumago ng version na ito.

Panatang Makabayan ng Pilipinas: old (original) version
Iniibig ko ang Pilipinas.
Ito ang aking lupang sinilangan.
Ito ang tahanan ng aking lahi.
Ako’y kanyang kinukupkop at tinutulungan,
Upang maging malakas, maligaya at kapakipakinabang.

Bilang ganti ay diringgin ko ang payo ng aking mga magulang.
Susundin ko ang mga tuntunin ng aking paaralan.
Tutuparin ko ang tungkulin ng isang mamamayang makabayan at masunurin sa batas.

Paglilingkuran ko ang aking bayan nang walang pag-iimbot at nang buong katapatan.
Sisikapin kong maging isang tunay na Pilipino,
sa isip, sa salita at sa gawa.

Panatang Makabayan ng Pilipinas: New (PANGET) version

Iniibig ko ang Pilipinas,
Aking lupang sinilangan,
Tahanan ng aking lahi,
Kinukupkop ako at tinutulungan
Maging malakas, masipag at marangal.
Dahil mahal ko ang Pilipinas,
Diringgin ko ang payo
Ng aking magulang,
Susundin ko ang tuntunin ng paaralan,
Tutuparin ko ang tungkulin
Ng mamamayang makabayan:
Naglilingkod, nag-aaral at nagdarasal
Ng buong katapatan
Iaalay ko ang aking buhay,
Pangarap, pagsisikap
Sa bansang Pilipinas

Ikaw, ano ang mas gusto mo at bakit?

Anak ng Tinola, Si Master Yoda ay Pinoy pala!

2010-09-06T20:11:00.000-07:00

Kahapon sa isang Facebook post ng isa kong kaibigan ako ay napag-isip-isip. Sa kanyang post ay binanggit nya ang kanyang pagka-inis sa kanilang group emails sa trabaho. Sumasakit daw ang kanyang mukha sa kababasa dahil puros naman daw wrong grammar ang mga inglisan (englishan) --eh bakit hindi nalang daw kasi mag-tagalog para lalong mas ma-intindihan. (Dont worry brother, I can relate with your situation)

Bakit nga ba medyo nahihirapan tayo mag-english kapag tagalog ka? Atin ngang suriin...

Sa aking pagsusuri (-eh kasi nga genius nga daw ako eh) at dahil sa sadya nga daw malalim akong mag-isip, biruin mong pumasok sa aking lakbay isip si Master Yoda (ng Star Wars). At napag-ugnay-ugnay ko ang lahat kung bakit hindi madali ang mag-english sa isang tubong tagalog...at sa proseso natuklasan ko tuloy na Pinoy si Master Yoda. "Bold claim yan ah" sabi ninyo. --O di sige patunayan ko.

Magka-iba kasi ang language structure ng English at Tagalog. Subukan nating englishin ang mga ito:

Tumatakbo ang lalake
Nahulog ang bobong mandirigma mula sa puno, kung kaya't ito ay umi-iyak
Kumain ka na ba? Gutom lang yan di ba?

Sa correct english translation eto ang mga yan:

The man is running
The foolish warrior fell from the tree that's why he's crying
Have you eaten? Maybe it's just hunger?

O ngayon, translate natin by structure ha (or word for word):

Running is the man
Fallen the fool warrior from the tree, the reason for he's crying
Eat you have (or did)? Hunger only is it not?

O ano? Ganyan mag-english si Master Yoda diba? --Niyahahahaha!

Ayos!

2010-02-28T17:50:00.000-08:00

Asus Naman Yan

2010-02-28T17:48:00.000-08:00

Aray Ko!

2010-02-28T17:44:00.000-08:00

Tawa Naman Kayo Dyan

2010-02-28T17:39:00.000-08:00

Ang Lagim ng Ampira

2009-12-02T22:45:00.000-08:00

Ito ay mula sa kwento ng aking ina, na ikinuwento sa kanya ng aking lola, na ikinuwento pa ng kanyang ina, na ikinuwento rin ng ina ng ama ng tatay nya sa ikalawang asawa na isa ring malayong pinsan nila...

Galing daw ito sa salaysay ng isang kapitbahay ng nasabing pinsan....

Sadyang bata pa ang kanayunan. Bahay kubo palamang ang madalas na bahay noon. Sa probinsya ng timog katagalugan, isang barangay, na may pagkakaisa. Ang pulisya ay hindi pa ka-usuhan kung kayat ang barangay ay may napagkasunduan laban sa mga magnanakaw. Napagkasunduan na ang bawat bahay ay dapat na mayroong batingaw sa loob ng bahay. Ito ay kakalembangin sa oras ng saklolo lalo pat sa mga nanloloob na masasamang tao.

Isang kalaliman ng gabi, bumatingaw ang kalembang sa isang bagong kapitbahay. Ang buong nayon sabay sabay sumugod sa nasabing bahay, armado ng yantok at pambambong kawayan. Pinaligiran nila ang nasabing bahay, at tinawag ang bagong kapitbahay na nasa loob. Inihanda ang mga sarili upang gapiin ang nanloob.

Saglit na pag-aantay, iglap na lumabas ang bagong kapitbahay. Habang nananakbo palabas, sumigaw sya ng saklolo, "AMPIRA! AMPIRA! AMPIRA!". Isa sa kanayun ang bumalikwas, "INANG KO PO! BAMPIRA DAW!" Sumambulat papalayo ang mga tao, kumaripas ang ilan sa pagtakbo. Ang ilan ay nanatili bagamat may kabog ng takot.
Sumigaw si kapitan sa bagong kapitbahay, "INENG! MAGHUNOS DILI KA. ANDITO KAMI. PUMARITO KA."

Dali dali si kapitbahay kay kapitan. "Ineng, ako ang kapitan dito, ililigtas ka namin. Asan ang bampira?" Hinihingal pa si ineng nang sumagot, "Bampira? Wala naman pung bampira!" "Ha!? Walang bampira?" tanong ni kapitan, "Eh, kala ko ba bampira, bampira, bampira?" Hangos ulit si ineng kamot kamot na ang ulo, di na rin nya napigilan ang pag-iyak upang sagutin ang tanong. Sagot ni ineng,"Ang pira ko po ay nanakaw, kaya po ako sumigaw ng 'Ang pira! Ang pira! Ang pira!".

Kamot narin ng ulo si kapitan, "Ano ba pangalan mo, ineng?". Sagot si ineng, "Nina po". Sabat kagad si kapitan, " Baka Nena!" Lumuluha pa si ineng nang sumagot, "Pwidi rin po"

Niyahahahaha! Get's nyo ba? Ahuhohoho!

Ang Ambisyon ay Isang Isda

2008-02-21T03:34:00.000-08:00

Nais ko lang i-motivate ang aking kapwa pilipino sa aking mga natutunan araw-araw. Salamat sa May Kapal at binigyan Niya tayo ng isipan na marunong pumuna at hanapin ang mga aral ng bawat karanasan.

Katulad ng marami sa ating pinoy, isa ako sa mga ipinanganak na mahirap. Aking batid na mas marami na ngayon ang mahirap kaysa sa mga nabubuhay mayaman. Alam ko ang hirap ng kahirapan, lalo na sa epekto nito sa sarili mong dignidad bilang nabubuhay na tao. Kadalasan sa buhay mahirap di na natin alam ang ka-ibahan sa pamumuhay ng isang nilalang na hayop sa isang dapat na sibilisadong pamumuhay ng tao. Dumanas ako ng self discrimination, at ito ang naging dahilan kung bakit sa aking pagbibinata ako ay naging tahimik, mahiyain at hintil. Ang akala nila tuloy ako ay naging suplado at weirdo.

Kadalasan lang naman sa aking mga pananahimik ay sadyang pag-iisip ng malalim lamang; pinipilit unawain ang takbo ng buhay, at ang punot-dulo o dahilan ng isang pangyayari o isang kinatuluyan. Hindi kailangan na maganap ang isang malaking pangyayari upang magsimula na kagad ako mag-isip. Isa sa mga madalas kong pag-isipan ay ang aking mga kamalian at i-ugnay ito sa aking mga pinapangarap. Tanggap ko na ako ay hindi perpekto kaya naman na-unawaan ko rin na kailangang lagi kong i-improve ang sarili. Ito ay upang makamit ko ang aking mga pinapangarap na pagkatao, kabuhayan at kaligayahan. Oo, isa sa naging pinakamalakas kong motivations ay aking mga ambisyon.

Aking linawin na ako ay maraming naging pagkakamali rin sa buhay --mapa-pag-ibig, pag-aaral, sariling pagkatao, ugali, at kung anu-ano pa. Ngunit ibig bang sabihin noon ay hindi na ako matututo? Teka, iba noon sa ngayon dahil ngayon ay mas may edad na ako at mas malalim na ang pag-iisip. Kung ang lahat ay nagma-mature, sa tingin ko ay may bahagi na rin sa pagkatao na narating na ito.

Salamat at marunong akong mag-ambisyon. Dahil sa ambisyon ay naging likas sa akin na alamin at gawin ang bawat nararapat upang maka-ahon. Kung hindi rin dahil sa aking ambisyon, ay malamang na kabilang pa rin ako sa mga dukha ng lipunan. Dahil sa ambisyon, nagawa kong umiwas at tumanggi sa mga masasamang elemento na nagdudulot ng walang kabuluhan sa sariling kinabukasan. Bigyan mo ng salapi ang isang tao, bigyan mo pa ng pagmamahal, moral support at pananampalataya --ngunit kung wala siyang ambisyon ay wala siyang direksyon. Ang resulta ay di kaunlaran --nakatigil sa isang estado ng pamumuhay. Kung baga nag-evolve na ang lahat ngunit siya ay ganun pa rin --tila isang baka sa loob ng parang, maghapon magdamag ay damo ang nasa harapan at ang laman ng tiyan.

Masuwerte ang ilan, dahil mayroon na kagad silang "good start" --ipinanganak silang mayaman. May natanggal na kagad silang isang malaking alalahanin sa buhay --iyon ay ang pagka-gutom. Di na nila kailangang ma-distract sa madalas na kumukuha ng oras sa isang araw ng isang dukha. Madalas sa isang dukha ang unang kanilang pinagtutu-unan ng panahon ay mabuhay lang sa araw na iyon. Di lang ata walong oras sa maghapon na kailangan silang maghanapbuhay upang may makain lang. Samantalang kung hindi sana sila masyado abala sa ganoong kondisyon ay malamang natutuon na lang sana nila ang ilang mga oras doon para sa mas paki-pakinabang na gawain upang mas mapabilis ang kanilang pag-unlad. Maraming kabataan ang napipilitang magtrabaho na lang kasya mag-aral sa isang pamantasan.

Ngunit gano nga ba kalakas ang ambisyon ng bawat isa? Depende iyon sa nag-aambisyon. Marami siguro ang magsasabi na ang ambisyon ay parang sa isang kotse, na ito ay gasolina upang marating mo ang pupuntahan. Ngunit para sa akin ang aking ambisyon ay "hindi" gasolina --kundi ito ay isang mapa. Dahil kahit ikaw ay may kotse pa ngunit wala ka namang direksyon sa iyong pupuntahan, malamang ay mahintil ka lang. Ngunit kapag ikaw ay may direksyon, kahit wala ka pang kotse, ay pupuntahan mo ang iyong nais na lugar kahit ikaw ay maglakad na lamang pa!

Ano? Tatanggapin mo na lamang ba na may balakid sa iyong mga ambisyon? --O gagawa at gagawa ka ng paraan upang makamit mo ito?

Ako, hindi ko tinanggap na balakid ang isang kahirapan, bagkus ito pa nga ay isang inspirasyon upang masubok ang sariling kakayahan.

Kung ang ambisyon naman ay isang isda, ay hindi ko pa sya lubusang nahuhuli. Marahil ay hawak ko na ang kanyang buntot at konting tiyaga nalang sa paglangoy ay mahahawakan ko na sya ng lubusan. Dumating sa aking buhay na muntik ko na syang binitawan, salamat na lamang at na-unawaan ko kagad na sadyang matatalo lamang ako kapag "inumpisahan" kong sumuko.

Ito ang aking mensahe: Kahit anong mangyari ay huwag ninyong bibitawan ang inyong ambisyon/pangarap. Mapapagod din ang isda sa paglangoy, ma-uuna ka pa bang sumuko dito?

Simula Sa Talaga Hindi Sa Ina-akala

2008-02-19T22:12:00.000-08:00

Ako ay isang tao, at bilang isang tao ako ay hindi perpekto. Ipinanganak na ba ako na may muang kagad sa mga tamang ugali, etiketa at prinsipyo? Hindi. Lahat tayo ay ganun ang simula.

Mayroon akong suliranin sa ngayon. Iyon ay tungkol sa aking tila mabagal na pag-asenso. Marami ang nagsasabi na ayos na ang aking na-abot, ngunit alam ko, hindi pa ako kuntento. Isa ako sa mga taong tinaguriang may ambisyon. Ang aking ambisyon ay di pangkaraniwan. Gusto kong malaman ang talagang hanganan ng aking kakayahan. Gusto kong umpisahan sa larangan ng aking career. Gusto ko kagad maging manager sa kumpanyang aking pinapasukan sa ngayon. Alam ko, wala akong maysadong problema pagdating sa aking technical skills; mayroon akong magandang background. Ngunit medyo ibang arena ang aking ginagalawan sa ngayon. Ako lang ang asiano sa aming planta. Nagkataon pa na ako ang pinakabata sa aming management team. Kulang sa confidence sa akin ang aming plant manager. Palagay ko'y kasama sa problema ay ang itsura kong bata -at siguro ay kung paano ako magsalita. Palagay ko nga.

Hindi ako ipokrito para sabihing napaka-fluent ko sa ingles. Bakit, ipinanganak ba akong australiano? Buti pa nga ako ay dalawang lenguahe ang aking nasasalita, eh sila? Ayos naman siguro ang aking ingles kung hindi lang sana sila napaka-slang --ako pa tuloy ang hindi nila maintindihan. Tayo kasing mga pinoy nasanay sa american english kaya eto ako nahihirapang magsalita ng australian english. Hirap ako, di ako nagbibiro --ako pa isang ingles mapua!Aking natutunan, kailangan ko magsalita ng fluent dito upang mas maging "fitting" ako sa isang job position na kailangang magsalita sa mga magiging staff. Syempre andyan din ang regular na pakikipag brainstorming sa mga executives. Isang challenge. Atleast ako ay honest kung saan ako magsisimula, hindi doon sa aking ina-akala ngunit doon sa talagang totoo. Kailangan kong i-improve ang aking pananalita maging sa anu mang lenguahe... at alam ko na ang mga paraan. Hindi madadali ngunit kakayanin naman kung talagang ipagpipilitan at hindi susuko.

Ang lesson ay ito: Magsimula sa pagiging honest kung hanggang saan ka lang sa ngayon, at maging honest kung gaano kahalaga ang isang pangarap para sa iyo upang gawin mo ang lahat ng nararapat.

Lagyan ng Konting Tikas

2008-02-19T17:24:00.000-08:00

Matapos ang maraming pagdalo sa mga executive meetings ako ay naliwanagan na kailangan pala ang mga sumusunod para i-improve (o ipakita) ang sariling leadership qualities:

1. Magsalita ng may confidence. Kahit mga 60% ka lang sigurado at hindi naman trahedya ang magiging resulta kung ikaw ay mali, ay bigkasin mo ang bawat salita ng may sense of authority o tinatawag na confidence. Sapagkat ang nakikinig ay sasampalataya lamang kung sa iyo mismo ay namumutawi ang pagkasigurado ukol sa napag-uusapan.
2. Preparasyon ay sadyang tapang na kagad sa dila. Subukan laging i-anticipate ang mga itatanong ng mga dadalo sa meeting at i-rehearse ng pa-ulit-ulit ang mga tamang isasagot. Ito ay lalo na kung ingles ang usapan.
3. Upang hindi nerbiyosin sa meeting, isipin ang dahilan ng "bungie jumping" --Oo, ang meeting ay isa ring thrill seeking exercise, ang maganda hindi mo na kailangan ang magbayad ng pera para umusong ang iyong adrenalin.